Бишкек мамлекеттик университетинин ректору, профессор Мирлан Дылдаев, илимий иштер боюнча проректору Гүлнара Мурзахмедова жана орус филологиясы факультетинин деканы Рахат Ниязалиева КМШга мүчө-мамлекеттердин Тил жана маданиятынын негизги уюмунун 25 жылдыгына арналган Москва мамлекеттик лингвистикалык университетинин (MSLU) онлайн форматындагы эл аралык конференциясына катышты.
Конференциянын жүрүшүндө ректор Мирлан Дылдаев ММУнун жамаатын мааракеси менен куттуктап, окуу жайлардын илимий жана академиялык кызматташтыгынын маанилүүлүгүн белгиледи. Жогорку окуу жайлардын өнөктөштүгүн мындан ары да чыңдоо зарылдыгын айтып, биргелешкен долбоорлорду иштеп чыгууга даяр экенин билдирди.