БМУ өкүлдөрү эл аралык конференцияга катышты

Бишкек мамлекеттик университетинин ректору, профессор Мирлан Дылдаев, илимий иштер боюнча проректор Гульнара Мурзахмедова жана орус филологиясы факультетинин деканы Рахат Ниязалиева Москва мамлекеттик лингвистикалык университетинин (ММЛУ) КМШга мүчө мамлекеттердин тил жана маданият боюнча базалык уюмунун 25 жылдык мааракесине арналган эл аралык конференцияга онлайн форматта катышышты.

Конференциянын жүрүшүндө ректор Мирлан Дылдаев ММЛУнун жамаатын мааракеси менен куттуктап, билим берүү мекемелери ортосундагы илимий жана академиялык кызматташуунун маанилүүлүгүн белгиледи. Ал эки окуу жайдын ортосундагы өнөктөштүктү мындан ары да бекемдөө зарылдыгын баса белгилеп, биргелешкен долбоорлорду өнүктүрүүгө даяр экенин билдирди.