БМУга Гонконг политехникалык университетинин өкүлдөрү иш сапары менен келишти

2025-жылдын 2-апрелинде К. Карасаев атындагы Бишкек мамлекеттик университетине Кытай Эл Республикасынан Гонконг политехникалык университетинин (PolyU) өкүлдөрү – профессор Бен Ку жана доктор Кан Йип иш сапары менен келишти. Делегация өкүлдөрүн БГУнун ректору Мирлан Дылдаев тосуп алып, жогорку окуу жайларынын ортосундагы кызматташуу боюнча сүйлөштү. Жолугушууга ошондой эле БМУнун Эл аралык байланыштар, жана инвестиция боюнча проректор Гульзат Исаматова Эл байланыштар бөлүмүнүн жетекчиси Эдиль Канатбеков, Социалдык-психологиялык факультеттин деканы Перизат Айтбаева, Социалдык иштер жана практикалык психология кафедрасынын башчысы Эрик Орозалиев жана кафедранын доценти Нургүл Мусаева катышты.
Иш сапардын негизги максаты – «Социалдык иш» багытында билим алып жаткан студенттер жана окутуучулар үчүн атайын тренинг өткөрүү. Ошондой эле, университеттин жетекчилиги жана социалдык-психологиялык факультеттин администрациясы менен жолугушуулар уюштурулуп, билим берүү жана илимий багытта жаңы биргелешкен долбоорлорду ишке ашыруу боюнча пикир алышуулар болду.