30-майда К.Карасаев атындагы Бишкек мамлекеттик университетинде Кытайдын эң маанилүү үч салттуу майрамынын бири болгон Жайкы майрамды белгилөө салтанаты башталды. Иш-чара Кытай Эл Республикасынын Кыргыз Республикасындагы элчилигинин жана БМУнун Конфуций институтунун көмөгү менен өткөрүлүүдө.
Салтанатка Кытай Эл Республикасынын Кыргыз Республикасындагы элчиси Лю Цзяньпин, БМУнун проректору Гүлзат Исаматова, окуу жайдын окутуучулары жана студенттери катышты.
Кош бештик фестивалы, же мындайча айтканда (Дуанву Цзе же Дуан Янг) майрамынын, жайкы фестивалынын бай тарыхы жана символу бар. Ал кытай маданиятында ийгиликтин жана гүлдөп-өсүүнүн символу болгон ажыдаар салты менен байланышкан. Фестивалдын негизги салттарынын бири – ажыдаардын кайык жарышы. Кошумчалай кетсек, бул күнү зонгзи (бамбук жалбырактарына оролгон күрүч торттору) жеш, оорулардан жана каардуу рухтардан коргоо үчүн жыпар жыттуу чөптөрдү илип коюу салтка айланган.
Мындай иш-чаралар биздин өлкөлөрдүн ортосундагы мамилелерди мындан ары өнүктүрүү үчүн негиз болуп кызмат кылат. Достук байланыштарды чыңдоо жана студенттерди кытай маданияты жана тили менен тааныштыруу үчүн бизде чоң потенциал бар», - деп белгиледи КЭР элчилигинин өкүлү. Майрамдык иш-чаранын алкагында бай маданий программа болуп өттү. БМУнун студенттери жана мектеп окуучулары тарабынан чыгармачыл номерлер тартууланды, көргөзмөлөр, кытай ашканасы боюнча мастер-класстар, салттуу кытай оюндарынын демонстрациялары, ошондой эле кол өнөрчүлүк искусствосу уюштурулду.
