2024-жылдын 1-5-июлунда Литванын Вильнюс университетинде Erasmus+ "Кыргызстандагы туруктуу өнүгүү үчүн жашыл жана санариптик университеттер (GREEN KG)" долбоорунун алкагында жолугушуу өтөт. Долбоор университеттердин жашыл жана санариптик университет саясатын иштеп чыгуу жана ишке ашыруу боюнча билимин жана мүмкүнчүлүктөрүн кеңейтүү зарылдыгын чечүүгө багытталган. Жашыл университет модели айлана-чөйрөгө терс таасирин минималдаштырууга, университеттин ишмердүүлүгүн энергияны жана ресурстарды үнөмдөө аркылуу башкарууга жана коомдо жашыл идеяларды өнүктүрүүгө көмөктөшүүгө багытталган туруктуу башкаруу ыкмасын ишке ашыруу үчүн жашыл санариптик кеңселерди (ЖСА) түзүүнү камтыйт.
