2025-жылдын 1-сентябрынан 3-сентябрына чейин К.Тыныстанов атындагы Ысык-Көл мамлекеттик университетинде Европа биримдигинин Эразмус+ программасынын Кыргызстанды туруктуу өнүктүрүү үчүн жашыл жана санариптик университеттер (Green KG) долбоорунун алкагында эл аралык илимий-практикалык конференция болуп өттү.
Конференцияга К.Карасаев атындагы БМУнун ректору Мирлан Дылдаев, экология жана менеджмент факультетинин деканы Элегия Бокоева, окутуучу Назира Жайлообаева жана эл аралык байланыштар жана долбоорлордун координатору Рахат Рай кызы катышты.
Иш-чаранын жүрүшүндө Кыргызстандагы ЖОЖдорду жашыл жана санариптик трансформациялоо шартында жогорку билим берүүнү туруктуу өнүктүрүүнүн актуалдуу маселелери каралып, ата мекендик жана чет элдик өнөктөштөр ортосунда тажрыйба жана мыкты тажрыйба алмашуу болду.