К.Карасаев атындагы Бишкек мамлекеттик университетинин ректору Мирлан Дылдаев жана Урал федералдык университетинин президенти Виктор Кокшаров эки университеттин ортосундагы кызматташуу боюнча жол картасына кол коюшту.
Документте өнөктөштүк мамилелерди өнүктүрүү жана билим берүү жана илим жаатында биргелешкен инвестициялык демилгелерди ишке ашыруу каралган.
Жолугушууга эл аралык мамилелер боюнча проректордун кеңешчиси Павел Смирнов жана биринчи проректордун орун басары Александр Пономарев катышты.
К.Карасаев атындагы БМУнун атынан биринчи проректор Канатбек Токтобаев, илимий иштер боюнча проректор Гүлнара Мурзахмедова жана Эл аралык мамилелер жана долбоорлор департаментинин директору Эдил Канатбеков катышты.
Жол картасына кол коюу эл аралык кызматташтыкты чыңдоодо, биргелешкен долбоорлор үчүн жаңы мүмкүнчүлүктөрдү ачууда, тажрыйба алмашууда жана университеттердин ортосундагы академиялык байланыштарды кеңейтүүдө маанилүү кадам болду.