К. Карасаев атындагы Бишкек мамлекеттик университетинин кыргыз филологиясы факультетинин 4-курсунун КТА-3-22 группасынын студенти Назима Амангулова «Түрк элдеринин мыкты студенти» наамына ээ болду.
Назима аталган эл аралык конкурсқа катышып, ал Националдык инновациялык илимий-изилдөө борбору «BILIM ORKENIETY» тарабынан уюштурулуп, Казакстан Республикасынын Астана шаарында өткөрүлгөн.
Жогорку академиялык жетишкендиктери, жаштар саясатынын өнүгүшүнө кошкон салымы жана коомдук иш-чараларга активдүү катышкандыгы үчүн Назима I даражадагы Диплом, статуэтка, медаль жана атайын күбөлүк менен сыйланды.
К.Карасаев атындагы Бишкек мамлекеттик университетинин жамааты Назима Амангулованы бул чоң жетишкендиги менен чын дилинен куттуктайт жана окуу-илимий иштеринде мындан аркы ийгиликтерди каалайт.