Бүгүн К.Карасаев атындагы Бишкек мамлекеттик университетине TOEFLдин Борбордук Азиядагы расмий өкүлдөрү – аймактык менеджер Шолпан Эргалиева жана Окуу жана тестирлөө борборунун директору Зарипа Сагындыкова келишти.
Иш сапардын алкагында проректор Дурус Козуев, Эл аралык билим берүү программалары жана долбоорлору боюнча координатору Рай кызы Рахат, Европа цивилизациясы факультетинин деканы Назгүл Жаркинбаева жана чет тилдер кафедрасынын башчысы Салтанат Искова менен жолугушуу болуп, анда TOE FL эл аралык англис тили сынагын уюштуруунун негизги маселелери талкууланды. Студенттер үчүн да, окутуучулар үчүн да тестирлөө мүмкүнчүлүктөрүнө, ошондой эле атайын TOEFL даярдоо курстарын университеттин билим берүү программасына интеграциялоонун келечегине өзгөчө көңүл бурулду.
Тараптар студенттердин жана мугалимдердин англис тилин билүү деңгээлин жогорулатууга багытталган кызматташтыкты өнүктүрүүгө өз ара кызыкдар экендиктерин билдиришти, бул Кыргызстанда да, чет өлкөлөрдө дагы жаңы академиялык жана кесиптик перспективаларды ачат.
© Рахат Рай кызы – эл аралык билим берүү программаларынын жана долбоорлорунун координатору
