2026-жылдын 5-февралында К.Карасаев атындагы Бишкек мамлекеттик университетинде Кыргыз Республикасындагы LSA бүтүрүүчүлөр ассоциациясы менен биргеликте "Ден соолугунун мүмкүнчүлүктөрү чектелүү адамдарды эрте аныктоо жана кийлигишүү кызматтарын уюштурууда социалдык кызматкердин ролу" деген аталыштагы семинар өттү.
Иш-чарада баяндамачылар төмөнкүлөр болду:
Б.Ш. Сүйүналиева – экономика илимдеринин доктору, Кыргыз Республикасынын Социалдык иш мектептеринин ассоциациясынын президенти, социалдык маселелер боюнча БУУнун эл аралык эксперти;
Жаңыл Турдубековна Акбаева - ички кызматтын полковниги, Республикалык медициналык-социалдык экспертиза борборунун мурдагы директору, Казань мамлекеттик медициналык академиясынын эксперти жана окутуучусу.
Семинарга Социалдык иш жана практикалык психология кафедрасынын окутуучулары, ошондой эле Социалдык психология факультетинин студенттери катышты. Катышуучулар ден соолугунун мүмкүнчүлүктөрү чектелүү адамдарды эрте аныктоонун заманбап ыкмаларын жана тиешелүү кызматтарды уюштуруудагы социалдык кызматкерлердин ролун талкуулашты.
