2025-жылдын 12-майынан 15-майына чейин Бремен шаарында (Германия) Конструктор университетинде Эразмус+ программасынын алкагында ишке ашырылган “Борбордук Азия университеттериндеги жашыл келишимдер” долбоорунун эл аралык семинары болуп өттү. Иш-чарага Экология жана менеджмент факультетинин деканы, долбоордун координатору Э.Т. Бокоева
К.Карасаева атындагы БМУнун Эл аралык кызматташтык жана инвестициялар департаментинин директору Э.К. Канатбеков.
Семинарга Германия, Австрия, Словакия, Кыргызстан, Казакстан, Өзбекстан, Тажикстан жана Түркмөнстандан келген алдыңкы университеттердин 30дан ашык өкүлдөрү катышып, алар активдүү диалогго, тажрыйба алмашууга жана туруктуу академиялык өнөктөштүктү түзүүгө салым кошушту.
Иш программасынын алкагында БМУнун өкүлдөрү презентацияларды жасашты, анда алар университеттин туруктуу өнүгүү чөйрөсүндөгү демилгелерди ишке ашыруу жана “жашыл келишимдер” концепциясын илгерилетүү боюнча жетишкендиктери менен тааныштырышты. Презентацияларда өзгөчө көңүл окуу процессинин экологиялык трансформациясына, университеттин стратегиясына жашыл принциптерди киргизүүгө, студенттер арасында экологиялык билимди калыптандырууга жана келечекте БМУда жашыл демилгелер борборун түзүүгө бурулду.
Семинардын катышуучулары долбоорду ишке ашыруунун негизги компоненттерин талкуулашты:
- биргелешкен билим берүү модулдарын иштеп чыгуу;
- университет чөйрөсүндө жашыл келишимдерди ишке ашыруу планын даярдоо;
- глобалдык экологиялык күн тартибин эске алуу менен Борбордук Азиядагы университеттерди өнүктүрүү стратегияларын жаңылоо;
- өнөктөш университеттерде “жашыл келишим” борборлорун түзүү;
- долбоордун жаңыланган жол картасын бекитүү.
© Эдил Канатбеков – Эл аралык байланыштар бөлүмүнүн башчысы
