16-майда К.Карасаева атындагы Бишкек мамлекеттик университетинин ректору Мирлан Дылдаев Азербайжандан келген Баку мамлекеттик университетинин атынан келген делегацияны кабыл алды. Делегациянын курамына Азербайжан Республикасынын Илим жана жогорку билим берүү боюнча мамлекеттик агенттигинин Азербайжандын алдыңкы университеттериндеги стратегиялык долбоорлордун координатору Юлия Сивалдаева жана Баку мамлекеттик университетинин санариптештирүү жана IT боюнча ректорунун кеңешчиси Шабнам Сафарова кирди.
Жолугушууга Гүлнара Мурзазмедова, Эдил Канатбеков, Канатбек Токтобаев жана Мээрим Төлөгөнова да катышты.
Диалогдун жүрүшүндө тараптар академиялык кызматташуунун келечегин, анын ичинде студенттерди жана окутуучуларды алмашуу программаларын, биргелешкен илимий иш-чараларды жана эл аралык конференцияларды уюштурууну талкуулашты. Билим берүү системаларынын глобалдык атаандаштыкка жөндөмдүүлүгүн жогорулатуу жана санариптештирүү жаатында тажрыйба алмашуу маселелерине өзгөчө көңүл бурулду.
© Эдил Канатбеков - Эл аралык кызматташтык жана инвестициялар департаментинин директору
