2026-жылдын 20-февралында Т. Сатылганов атындагы Кыргыз улуттук филармониясында "Чет элдик студенттер аткарган кыргыз ырлары" аттуу улуттук фестиваль өттү. Ага Кытай Эл Республикасынан келген студенттер катышты. Катышуучулар жогорку деңгээлдеги даярдыкты, кыргыз маданиятына болгон чын жүрөктөн болгон сүйүүсүн жана улуттук каада-салттарга болгон урматтоосун көрсөтүштү. Алардын аткаруусу көрүүчүлөр тарабынан жылуу кабыл алынып, маданий алмашуунун жана элдердин ортосундагы достуктун жаркын үлгүсүнө айланды.