2025-жылдын 30-майында К. Карасаев атындагы Бишкек мамлекеттик университетинин Педагогика факультетинде «Уңгу жол — кыргыз коомунун туруктуу өнүгүүсүнүн идеологиясы» аттуу эл аралык илимий-практикалык конференция болуп өттү. Иш-чараны Педагогика жана психология кафедрасы уюштурду. Модератор — п.и.к., доцент Элзада Сабырова болду.
Конференциянын жүрүшүндө илим менен тарбиянын байланышы, мамлекеттик тилди өнүктүрүү, көп маданияттуу билим берүү жана педагогикалык практиканын актуалдуу маселелери талкууланды.
Төмөнкү куттуктоо сөздөрүн айтышты:
• Мелис Мураталиев мамлекеттик тилдин орду жана тил саясатынын стратегиясына токтолду.
• Советбек Байгазиев улуттук өзгөчөлүк жана маданий мурастарды сактоо темаларын кеңири айтты.
• Гүлнара Мурзахмедова илимий изилдөөлөр менен практикалык ишмердүүлүктүн байланышын баса белгиледи.
• Кыргызбай Добаев тил жана адабиятты окутуунун методикалык аспектилери менен бөлүштү.
• Нурбүбү Асипова – улуттар аралык байланыш жана социалдык педагогика боюнча доклад жасады.
