Факультеттер / Орус филологиясы факультети
Декандын саламы
Орус филологиясы факультети 46 жылдык сапат, билим жана өнүгүү.
Биз изденүүчү адистерди: мугалимдерди, филологдорду, тилчилерди жана жаңы муундагы котормочуларды даярдайбыз. Биздин бүтүрүүчүлөр билим берүү, илим, маданият, массалык маалымат каражаттарында жана чет өлкөлөрдө ийгиликтүү иштеп жатышат.
Факультетте окууга жана өзүн-өзү ишке ашырууга эң сонун шарттар түзүлгөн. Биз окуучуларыбыз менен сыймыктанабыз жана жаңы студенттерди көргөнүбүзгө кубанычтабыз!
Биз менен окуу сиздин ийгиликтүү келечекке кадамыңыз болсун!
Орус филологиясы факультетине кош келиңиздер!
Орус филологиясы факультети
Орус филологиясы факультети 1979-жылы 29-майда негизделген.
Факультет академиялык билим берүүнүн салттары менен инновацияларын, теориялык жана практикалык ишмердүүлүгүн, билими менен чеберчилигин айкалыштыруу менен өнүгүүнүн узак, татаал жолун басып өтүп, заманбап илимий, билим берүү, маданий борборго жана Кусейин Карасаев атындагы Бишкек мамлекеттик университетинин алдыңкы факультеттеринин бирине айланды.
Факультет студенттерге жана мугалимдерге болгон жогорку талаптар, бүтүрүүчүлөр үчүн туруктуу талап, муундар ортосундагы ачык диалог менен айырмаланат.
Фундаменталдык филологиялык жана кеңири гуманитардык даярдык факультеттин бүтүрүүчүлөрүнө магистратурада, аспирантурада жана докторантурада билимин улантууга, жаңы кошумча жана чектеш кесиптерди оңой өздөштүрүүсүнө шарт түзүп, эмгек рыногунда кеңири перспективаларды ачат.
Орус филологиясы факультетинин бүтүрүүчүлөрү – белгилүү саясий жана коомдук ишмерлер, Кыргыз Республикасынын Президентинин, Кыргыз Республикасынын Өкмөтүнүн жана Жогорку Кеңештин депутаттарынын Аппаратынын кызматкерлери, мектеп директорлору жана мугалимдери, саясат таануучулар жана журналисттер, маданият ишмерлери, экономисттер жана ишкерлер, окутуучулар жана илимпоздор, министрликтердин жана ведомстволордун кызматкерлери.
Учурда факультет заманбап билим берүү тармагындагы акыркы тенденцияларды карманып, бардык билимин жана мүмкүнчүлүктөрүн колдонуп, бардыгын чоң ынтымактуу үй-бүлөгө бириктирип, активдүү өнүгүүсүн улантууда.
Факультеттин байланыштары